محمود محرم
مطرب ومغنى , لديه حس مرهف , وموهبه قوية , إحساسه إحساس فنان , وصوته بجد جنان , أنه المطرب محمود محرم .
كان لى حوار فنى معه اتسم بالورد والحب والتلقائية فى التعبير والكلام
اليكم نص الحوار الصحفى الفنى مع المطرب محمود محرم.
النشأه والطفولة ؟
عادى زى اى طفل مفيش حد عندنا ليه فى الفن ولكن انا من عائله متوسطة المعيشه يعنى تقدر تقول اول درجات الاغنياء كنت بشتغل مع بابا من صغرى .
كيف بدأت الموهبه عند محمود محرم ؟
كنت فى البدايه احب اكتب كلمات , ودخلت مسابقات تبع المدرسه فى الاعدادى وكان المدرسين بيشجعونى , بعد كده ابتديت الحنها واغنيها واسمع صحابى
وفضلت ادور على حد يسعدنى لفيت كل المحافظات وفى الاخر ربنا وفقنى وسجلت اول اغنيه ليا والحمد لله عجبت كتير من الناس , وكانت اسمها اتنين خاينين وبعد كده عملت اغنيه اسمها احب اقولكم .
من قام بأكتشاف الموهبه عند محمود محرم ؟
لا هو فى ناس سعدونى لكن مفيش حد اكتشفنى .
ما هى اول اغنيه غناها محمود محرم؟
اغنيه حنين للفنانه ورده الجزائريه رحمها الله .
من هم أصدقائك محمود محرم فى الوسط الفنى ؟
محمد عبد المنعم , وابو جريشه , واحمد جوهر , وعلى حميده , ووليد الحكيم , وفوزى عبده , وعملت حفلات مع نجوم كتير لكن لاتربطنى بيهم صداقه قويه .
واحب اقول لكل شخص نسيته ولم يذكر اسمه انه يسمحنى .
مين من الجيل القديم من المطربيين بتحب تسمع لهم ؟
ورده الجزائريه , وعبد الحليم , وام كلثوم , ومحمد رشدى , وكل الفنانين القدام عظماء طبعا .
مين من المطربيين الحاليين الموجودين على الساحه الفنيه يعجب محمود محرم ؟
عمرو دياب , ومحمد حماقى , وادم , ومحمد عبد المنعم , وهيثم شاكر , وابو الليف , وبالنسبه للشعبى بوسى , وسمسم شهاب , وعمرو المصرى وناس كتير جدا اتمنى مكنش نسيت حد عزيز عليه
ايه اخر الاعمال الفنيه لــ محمود محرم ؟
من اعمالى اتنين خاينين , واحب اقولكم , وعايز عروسه , ودى اتصورت فى مسلسل 11 ميدان التحرير بطولة النجم محمد ابو الحسن والكليب اتزاع على قناة الفرح , وعلى قناة روتانا مصريه واغنية بقى ليك سعر , وهوجا , وان شاء الله انتظرونى قريبا واغنيه اتمنى انها تعجبكم
اغنية اوسكار فى التمثيل .
فى نهايه الحوار تحب تختم كلامك بايه ؟
اتمنى انى اكون عند حسن ظن الناس وانى اقدم دايما فن يعجبهم واكون انا اولا راضى عليه وطبعا شكر خاص لمجلة المصرى ميوزك على هذا الحوار الشيق وشكر خاص للصحفى إيهاب المصرى
0 التعليقات:
إرسال تعليق